Олон улсын тэшүүрийн холбооноос зохион байгуулж буй шорт трeкийн дэлхийн цуврал дөрөв дэх тэмцээний медальтнууд тодорлоо. Энэ удаагийн дэлхийн цувралд 33 орны шилдэг тамирчид оролцож байна. "ISU Short track World Tour IV" тэмцээний эрэгтэйчүүдийн 1500 метрт Канад, БНСУ, Нидерландын тамирчид медальт байрт орлоо.

        Тэмцээний эхний медаль гардуулах арга хэмжээнд 1994 оны олимпын аварга Жи Хүүн (Jihoon Chae) оролцлоо. Түүний хувьд одоогоос 30 жилийн өмнө 500 метрт олимпын аварга болж, солонгосчуудын бахархал болж байсан түүхтэй. Энэ амжилт нь солонгосчуудыг олимпын наадмын шорт трейкийн төрөлд өндөр амжилт гаргаж болохыг харуулсан гэдэг.

     Тиймдээ ч Солонгосын өнцөг булан бүрт шорт трейкийн төрлийг сонгох хүүхэд, залуус их болсон байдаг. Тэгвэл олимп, дэлхийн аварга Жи Хүүн энэ удаагийн Дэлхийн цувралд Монголын багт онцгой ач холбогдолтой оролцож байгаа юм. Монголын багийн чиглүүлэгч түүний хувьд шагнал гардуулах эхний ажиллагаанд оролцжээ.

      Эрэгтэйчүүдийн 1500 метрийн зайд Канадын Виллам Дан 2:14.313 минутын амжилтаар аваргын алтан медаль хүртсэн бол БНСУ-ын Пак Жи Вон, Нидерландын Ван Войт Жэнс нар мөнгө, хүрэл мeдалийн эзэд болов. Энэ зайд манай тамирчин Э.Мөнх-Эрдэнэ уралдаж, хувийн амжилтаа ахиулжээ.

      Мөн эрэгтэйчүүдийн 500 метрийн зайд Канад, Латвийн тамирчид медальт байрт орсон байна. Канадын Дувос Стэвэн 41.681 сeкундын амжилтаар тэргүүлсэн бол мөн нутаг нэгт Пиэррэ Гиллэс удаалж, Латвийн Робертс Крузбэрг нар мөнгө, хүрэл медалийн эзэд болов. Энэ зайд Японы Мияата Шого, АНУ-ын Ким Брандон нар дөрөв, тавдугаар байр эзлэв. Энэ зайд манай тамирчин Э.Мөнх-Эрдэнэ улсын дээд амжилтаа ахиулсан юм.

Түүний хувьд 500 метрт Монгол Улсын дээд амжилтыг эзэмшдэг билээ. Мөн өчигдөр эмэгтэйчүүдийн 1000 метрт БНСУ-ын Ким Жилли 1:30.884 минутаар тэргүүлсэн бол Канадын Блаис, БНСУ-ын Чой Минжон мөнгө, хүрэл медалийн эзэд болов. "ISU Short track World Tour IV" тэмцээн Ням гарагт өнөөдөр өндөрлөнө.