Бахрайн Улсын Манама хотод хүндийн өргөлтийн насанд хүрэгчдийн дэлхийн аварга шалгаруулах тэмцээн энэ сарын 6-15-ны өдрүүдэд болж байна. Тус ДАШТ-д дэлхийн 92 орны 471 тамирчин оролцож байгаа юм. Харин манай улсаас Үндэсний шигшээ багийн ахлах МУГД  Ц.Хосбаяр, дасгалжуулагч Б.Цолмон нарын удирдлага дор гурван тамирчин өрсөлдлөө. Өчигдөр тэмцээний эмэгтэйчүүдийн 81 кг-ын жинд гавьяат тамирчин, “Алтан охин”  М.Анхцэцэг огцом өргөлтөөр 116 кг-ыг өргөж мөнгөн медаль хүртэж, насанд хүрэгчдийн ДАШТ-ий тав дахь медалиа гардлаа.

Монгол Улсын гавьяат тамирчин М.Анхцэцэг дэлхийн аваргаас тав дахь медалиа хүртэж байгаа юм

2017 оны ДАШТ - Хүрэл (Огцом өргөлт)

2019 оны ДАШТ - Хүрэл (Огцом өргөлт)

2021 оны ДАШТ - Алт (Нийлбэр)

2022 оны ДАШТ - Мөнгө (Түлхэлттэй)

2024 оны ДАШТ - Мөнгө (Огцом өргөлт) тус тус дэлхийн аваргаас медаль хүртээд байна.