Монгол Улсын Ерөнхийлөгч У.Хүрэлсүхийн зарлигаар Монгол Улсын шайбтай хоккейн шигшээ багийн ахлагч, ОУХМ Намжилын Мишигсүрэнд МУГТ цол хүртээсэн билээ. Н.Мишигсүрэн нь оролцсон тоглолтын тоо, авсан оноогоороо Монгол Улсын хоккейн спортын бүх цаг үеийн рекорд амжилтыг эзэмшдэг Дархан-Уул аймаг Шарын гол сумын тамирчин юм.

      Дархан хотынхоо нэрийг өндөрт өргөн, Монголын хоккейн спортын түүхэнд тод мөрөө үлдээж буй түүнд Дархан-Уул аймгийн Биеийн тамир спортын газрын даргын үүргийг түр орлон гүйцэтгэгч А.Амараа хүндэтгэл үзүүлэн, Дархан-Уул аймгийн Биеийн тамир, спортын газрын 60 жилийн ойн медаль болон гарын бэлгийг дурсгал болгон өглөө.