Япон Улсын нийслэл Токио хотод болсон “IJF”-ийн цуврал “Токио-2024” их дуулга өндөрлөв. Тус их дуулга тэмцээнд оролцсон баг тамирчид үргэлжлүүлэн олон улсын хамтарсан бэлтгэлд хамрагдаж байна. Манай жүдочдоос “Токио-2024” их дуулгын 57 кг-ын жинд Т.Ариунзаяа хүрэл медаль хүртсэн. Харин 48 кг-д Ж.Анударь, 52 кг-д Л.Сосорбарам, 60 кг-д К.Ёолк, 66 кг-д Ё.Басхүү нар хүрэл медалийн төлөө өрсөлдөж тавдугаар байрт шалгарсан амжилтыг үзүүлсэн билээ.