Шинэ 2025 оны эхний улсын аварга шалгаруулах тэмцээн жюү жицүгийн тэмцээнээр эхэлж байна. Монголын жюү жицүгийн холбооны 2025 оны бүсний ангилалгүй өсвөр үеийн дунд ахлах нас, насанд хүрэгчдийн УАШТ 2025 оны нэгдүгээр сарын 10-11-ний өдрүүдэд “Буянт-Ухаа” спортын ордонд болох гэж байна.  УАШТ-ий тэмцээний бүртгэлийг 2024 оны  арванхоёрдугаар сарын 9-27-ны өдрүүдэд Спортын төв ордонд хийнэ. Улсын аварга өсвөр үеийн “U16” ангиллын охидын 32, 36, 40, 44, 48, 52, 57, -63, +63 кг, хөвгүүдийн “U16” ангиллын 40, 44, 48, 52, 56. 62, 69, -77, +77 кг, өсвөрийн “U18” ангиллын хөвгүүдийн 48, 52, 56, 62, 69, 77, -85, +85 кг, өсвөр үеийн охидын “U18” ангиллын 40, 44, 48, 52, 57, 63, -70, +70 кг-ын жингийн ангиллаар болно. Харин насанд хүрэгчдийн эрэгтэйчүүдийн 56, 62, 69, 77, 85, -94, +94 кг, эмэгтэйчүдийн 45, 48, 52, 57, 63, -70, +70 кг-ын жингийн ангиллаар явагдах юм байна.