Хан-Уул дүүргийн хэмжээнд зохион байгуулагдсан "Спортлог багш-2024" тэмцээн спортын зургаан төрлөөр зохион байгуулагдаж өндөрлөлөө. Тэмцээнд төрийн болон төрийн бус өмчийн 35 сургуулийн 1250 гаруй тамирчин хурд хүч, авхаалж самбаагаа сорин өрсөлдөж нэгдсэн дүнгээ гаргалаа. Тэмцээний хаалтын ажиллагаа энэ сарын 5-ны өдөр Хан-Уул дүүргийн Биеийн тамир, спортын хорооны зааланд зохион байгуулагдлаа.

       Тэмцээний хаалтын үйл ажиллагаанд Хан-Уул дүүргийн Засаг даргын орлогч Ч.Базарзаяа, Боловсролын хэлтсийн мэргэжилтэн Б.Дуламрагчаа нар оролцлоо. Байгууллагын нэгдсэн дүнгээр тэргүүн байрт Б.Анар захиралтай “Орчлон” сургууль, хоёрдугаар байрт Л.Цэрэнханд захиралтай 52-р сургууль, гуравдугаар байрт Г.Өнөрсайхан захиралтай “Күнз” сургууль орлоо.