1966 оны энэ өдөр самбо бөхийн насанд хүрэгчдийн дэлхийн хошой аварга, дэлхийн цомын аварга, Ази тивийн аварга, МУГТ Ганбаатарын Үүрцолмон мэндэлжээ. Тэрбээр самбо бөхийн гараагаа “Алдар” спорт хорооноос эхэлсэн байдаг. Түүнд самбо бөхийн “А” үсгийг “Алдар” спорт хорооны МУГД Ч.Өвгөнхүү багш заасан юм билээ. Г.Үүрцолмон 1989, 1992 онд самбо бөхийн ДАШТ-д түрүүлж байлаа. Одоо тэрбээр  Самбо бөхийн Үндэсний шигшээ багийн дасгалжуулагчаар ажиллаж байгаа.  МУГТ Г.Үүрцолмон 2023 онд Казахстаны Астана хотод болсон Ази, далайн орнуудын аварга шалгаруулах тэмцээний "Мастерс"-ын “М-5” ангиллын 55-59 насны 79 кг-ын жинд алтан медаль хүртсэн билээ.