МҮОХ-ны гишүүн спорт холбоодын хамтын ажиллагааг бэхжүүлэх зорилгоор боулингийн нөхөрсөг тэмцээнийг зохион байгуулав. Тэмцээнд 20 гаруй холбооны төлөөлөл 40 тамирчин оролцож ур чадвараа сорьсон юм. Монголын бодибилдинг фитнессийн холбооны  З.Ариунаа, Монголын триатлоны холбооны  Б.Цагаанбаатар Монголын орчин үеийн таван төрөлтийн холбооны удирдах зөвлөлийн гишүүн Б.Мягмарсүрэн, Монголын крикетийн холбооны удирдах зөвлөлийн гишүүн М.Золжаргал нарын баг тэргүүн байрт шалгарав. Нөхөрсөг тэмцээнийг “UG Bowling center”, Монголын боулингийн холбоо хамтран зохион байгуулсан бөгөөд баг тамирчдыг эрхийн бичгээр шагнаж урамшууллаа.