Монгол Улсын шигшээ баг, "Алдар спорт хороо", "Хасу мегаватт клуб, Дархан-Уул аймгийн тамирчин, ОУХМ Олонбаярын Сүлдхүүд Дархан-Уул аймгийн БТСГ-ын дарга А.Амараа хүндэтгэл үзүүлэв. Цэргийн дэлхийн аварга ОУХМ О.Сүлдхүү 2024 оны арваннэгдүгээр сарын 18-23-ны өдрүүдэд Армен Улсын Ереван хотод зохион байгуулагдсан чөлөөт бөхийн 37 дахь удаагийн цэрэг, армийн ДАШТ-ээс алтан медаль хүртэж төрийн дууллаа эгшиглүүлсэн билээ.

      Тэрбээр Дархан-Уул аймгийн БТСГ-ын чөлөөт бөхийн дасгалжуулагч Ёндопүрэвийн Батдархан багшийн удирдлаган дор 2011 оноос чөлөөт бөхөөр хичээллэж эхэлсэн. 2023 онд Казахстан Улсын Астана хотод болсон насанд хүрэгчдийн Азийн аварга шалгаруулах тэмцээнээс хүрэл медаль, 2023 онд Азербайжан Улсын Баку хотод болсон армийн ДАШТ-ээс хүрэл медаль хүртэж байсан дэлхийд нэрээ цуурайтуулж яваа Дархан хотын  тамирчдын нэг юм.