Дархан-Уул аймгийн Шарын гол сумын харьяат, чөлөөт бөхийн цагдаагийн дэлхийн аварга, ОУХМ  Шураагийн Баянмөнх 1973 оны энэ өдөр мэндэлжээ. Тэрбээр одоо чөлөөт бөхийн “Тэх мөнх” дэвжээний дасгалжуулагчаар ажиллаж байгаа. 2024 онд Хорват Улсын Порец хотноо эхэлсэн чөлөөт бөхийн ахмадын ДАШТ-д Ш. Баянмөнх хүрэл медалийн төлөөх барилдаанд Оросын бөхийг 10:0-ээр илт илүүрхэн оноогоор цэвэр ялж, мастерсийн ДАШТ-ээс хүрэл медаль хүртсэн юм. Ийнхүү Шурагийн Баянмөнх ахмадын ДАШТ-ээс гурван мөнгө, найман хүрэл, 11 дэх медалиа аваад байгаа билээ.