АНУ-ын Элчин сайдын яамны олон нийттэй харилцах албаны дарга Молик Д.Беркана, Дархан-Уул аймгийн Засаг даргын орлогч Б. Жавхлан болон холбогдох албаны төлөөлөлтэй уулзаж, “Америкийн соёлын төв”-ийн үйл ажиллагааны талаар санал солилцлоо.

       Уулзалтаар бизнес эрхлэгч эмэгтэйчүүдийг дэмжих, Дарханы хүүхэд залуус, төрийн албан хаагчдын англи хэлний мэдлэгийг дээшлүүлэх чиглэлээр хамтын ажиллагаагаа өргөжүүлэхээр боллоо.

       Мөн “Америкийн соёлын төв”-д  и-спортын төв байгуулах саналыг хэлэлцэн талууд харилцан тохиролцлоо. Тус төв байгуулагдсанаар хүүхэд залуус гадаад хэлний мэдлэгээ дээшлүүлэх, сэтгэн бодох чадвараа хөгжүүлэх, чөлөөт цагаа зөв боловсон өнгөрүүлэх зэрэг олон ач холбогдолтой юм.

       Түүнчлэн бизнес эрхлэгчдийг дэмжих долоо хоногийн хүрээнд “Эмэгтэй энтерпренерүүдийг дэмжих нь” сэдэвт өдөрлөгийг Дархан дахь Америкийн соёлын төвд цахим болон танхим хосолсон байдлаар амжилттай зохион байгуулсан байна.