Монголын тусгай олимпын нэг төрөл болох бочигийн спортын улсын аварга шалгаруулах тэмцээн энэ сарын 18-20-ны өдрүүдэд Дархан хотноо зохион байгуулагдаж байна. Оюуны онцлогтой хүүхдүүдийг спортоор хөгжүүлэх, нийгэмшүүлэх зорилготой тус тэмцээнийг Дархан-Уул аймгийн Засаг дарга Б.Азжаргалын ивээл дор, Дархан-Уул аймгийн Биеийн тамир спортын газар, Дархан Сумын ЗДТГ, ерөнхий боловсролын 12-р сургууль, ХБХЭЭХолбоо, Дархан-Уул аймгийн Аутизмын Холбоо, Нарны Сахиусан тэнгэрүүд НҮТББ, Бочигийн холбоо, Дархан спортын ордон зэрэг газрууд хамтран зохион байгуулж байна. Тэмцээн хоёр төрлөөр явагдах ба 15 байгууллагын 20 гаруй багийн 300 гаруй тамирчин оролцож эхэллээ.