Сонгомол болон чөлөөт бөхийн шигшээ багийн тамирчид Хятадын Шиян хотод болсон олон улсын тэмцээнд амжилттай оролцоод ирлээ. Тус тэмцээн нь ДБНХ-ны календарьд “The belt and road” нэрээр энэ жилээс багтсан бөгөөд сонгомол бөх, чөлөөт бөх эрнгтэй, эмэгтэй, Хятад үндэсний бөх гэсэн гурван төрлөөр болсон байна.

      Тус тэмцээн 2024 оны арваннэгдүгээр сарын 11-13-ны өдрийн өдрүүдэд явагдаж өндөрлөжээ. Тэмцээнд нийт найман улс, орны олимп, дэлхийн медальтнууд цуглаж өрсөлдөөнтэй тэмцээн болсон байна. Чөлөөт бөхийн төрлөөр ОУХМ Б.Мөнх-Эрдэнэ 57 кг-ын жинд алтан медаль, Б.Бадамдорж 97 кг-д мөнгөн медаль, ОУХМ Г.Уртнасан 76 кг-д хүрэл медалийн эзэд болжээ.

       Тус тэмцээний гурав дахь өдөр Хятад үндэсний бөхийн -87 кг-ын жинд ОУХМ Г.Төрболд алтан медаль, Н.Оргил хүрэл медаль, +87 кг-д Б.Бадамдорж хүрэл медаль хүртсэн байна. Сонгомол бөхийн төрлөөр Б.Бадамдорж эхний тойрогт 2024 оны Азийн аваргын хүрэл медальт Хятадын бөх Hao Houzhi-г 3:0 оноогоор ялж, хоёрдугаар тойрогтоо Европын аварга Азербайжан Улсын бөх Murad Ahmadiyev-т 8:0-ээр оноогоор ялагдаж, хүрэл медалийн төлөө Өмнөд Солонгосын бөх Jo Yeonjun-д 3:3-аар буюу сүүлийн оноогоор хожигдож тэмцээнээ өндөрлөжээ.