Налайх дүүргийн ахмад тамирчин, чөлөөт бөхийн спортын мастер С.Баярхүүгийн нэрэмжит чөлөөт бөхийн өсвөр үеийн олон хотын аварга шалгаруулах тэмцээн хоёр өдрийн турш болж өндөрлөлөө. Тус тэмцээнд 33 байгууллагын 620 гаруй өсвөрийн тамирчин тэсвэр тэвчээр, хурд хүч, авхаалж самбаагаа сорин өрсөлджээ.

     Тэмцээнд багийн дүнгээр Ё.Батдархан, У.Оюунбаяр дасгалжуулагчтай Дархан-Уул аймгийн "Дархан-Эрхэт" баг тэргүүлжээ. Дэд байрт А.Баянжаргал, Т.Буянмөнх, Б.Анхбаяр дасгалжуулагчтай Өвөр монголын Шилийн гол аймгийн баг, гуравдугаар байрт Д.Мөнхбаяр, М.Кажымукан дасгалжуулагчтай Налайх дүүргийн баг тус тус шалгарсан байна.