Олимп, паралимп, дэлхийн тавцанд Монгол Улсынхаа нэрийг  дуурсгасан баг, тамирчид, дасгалжуулагчдыг  МҮОХ-ны тэргүүн дээд шагнал “Алтан Од”, “Алтан Очир” одонгоор шагнав.МҮОХ-ны “Алтан Од” одонгоор “Парис 2024” олимпын мөнгөн медальт Б.Баасанхүү, паралимпын аварга У.Сүрэнжав, ахмадын ДАШТ-ний гурван алтан медальт Ц.Раднаа гуайг шагнав.

     Харин МҮОХ-ны  “Алтан Очир” одонгоор паралимпын мөнгөн медальт Г.Болор-Эрдэнэ, Ц.Баттулга болон таэквондогийн дасгалжуулагч Н.Эрдэнэбаатар, Д.Батнасан, жүдо бөхийн дасгалжуулагч М.Бундмаа, хөнгөн атлетикийн дасгалжуулагч Д.Махашири нарыг шагнаж урамшууллаа.

     Тус ёслолоор МҮОХ-ны ерөнхийлөгч, ОУОХ-ны гишүүн Б.Баттүшиг “Олимпизмын нэгэн дээвэр дор олимп, паралимп нь салшгүй холбоотой. Та бүхний хөдөлмөр, гавьяа хүүхэд багачууд, ард иргэдэд эерэг бүхнийг түгээх гэрэл гэгээ” хэмээн онцлов.