Самбо бөхийн 2024 оны дэлхийн аварга шалгаруулах тэмцээн Казахстаны Астана хотод болж өндөрлөв. Манай улс зургаан медальтай эх орондоо ирж байна. Тэмцээнд 86 орны 800 гаруй тамирчин өрсөлдсөн юм.  Монголын баг нэг алт, хоёр мөнгө, гурван медаль хүртжээ. Манай тамирчдаас +98 кг-ын жинд олон улсын хэмжээний мастер Д.Пүрэвдорж мөнгө, эмэгтэй байлдааны самбын 72 кг-ын жинд У.Анужин хүрэл, 52 кг-д Г.Ганцэцэг мөнгө, спорт самбоор 54 кг-д Н.Баярмаа хүрэл медаль, эрэгтэйчүүдийн 71 кг-ын жинд ОУХМ  Г.Хэрлэн хүрэл хүртлээ. Д.Пүрэвдоржийн хувьд 2019 онд дэлхийн аварга болж байсан бол 2022 онд мөнгө медаль хүртэж байв.

      Харин ДАШТ-ий сүүлийн өдөр байлдааны самбо бөхийн 58 кг-ын жинд ОУХМ Г.Баяндүүрэн алтан медаль хүртсэнээр дэлхийн хошой аварга боллоо. Тэрбээр хоёр жилийн өмнө Киргизийн Бишкек хотод болсон ДАШТ-д түрүүлж байсан юм. Түүний хувьд байлдааны самбо бөхөөр дэлхийн хошой аварга болсон Монголын хоёр дахь тамирчин болж байна.