АНУ-ын Лас Вегас хотноо жүдо бөхийн гранд мастерс буюу ахмадын дэлхийн аварга шалгаруулах тэмцээн энэ сарын 4-7-ны хооронд зохиогдож байна. Энэхүү тэмцээний эхний өдөр “М-6”, “М-7”, “М-8”, “М-9” ангиллын тамирчид өрсөлдсөнөөс  “М-6” буюу 55-59 насны 60 кг-ын жинд Х.Нямдорж алтан медаль, “М-6” буюу  55-59 насны 60 кг-ын жинд Орхон аймаг Эрдэнэт хот “Хангарьд” клубийн тамирчин Г. Баатарсүрэн мөнгөн медаль, “М-9” буюу 70+ насны 66 кг-ын жинд Сэлэнгэ аймаг “Таван Хан” дэвжээний тамирчин Л. Зандан хүрэл медалиуд тус тус хүртсэн амжилттай тэмцээнээ эхлүүлж байна.

     Мөн “М-8” буюу 65-69 насны 73 кг жинд Орхон аймаг Эрдэнэт хот “Хангарьд” клубийн тамирчин Н.Батсуурь шангалт тавдугаар байр, “М-8” буюу 65-69 насны +100 кг жинд Увс аймаг “Увс нуур” дэвжээний тамирчин Ж.Ганболд шагналт тавдугаар байрт тус тус орлоо. Энэ удаагийн ДАШТ-д Монгол Улсаа төлөөлж эрэгтэй 30 тамирчин, эмэгтэй 17 тамирчин нийт 47 тамирчин оролцож байна.