АНУ-ын Пуэбло хотод өчигдөр болсон Дэлхийн боксын хоёр дахь удаагийн их хурал  боллоо. Шинээр байгуулагдаад удаагүй байгаа Дэлхийн боксын холбоонд Узбекистан, Казахстан, Гватемал, Лаос зэрэг улсын боксын үндэсний холбоо гэсэн дөрвөн шинэ гишүүний мэдүүлгийг зөвшөөрлөө. Дэлхийн боксын холбооны гишүүнчлэлийн тоо одоо 55 улс болж өссөн байна.

      Тус холбоо боксын спортоо сайн тал руу нь өөрчлөх, хариуцлагатай Үндэсний холбоодыг татан оролцуулах, тэмцээн уралдааныг чанартай зохион байгуулах, шударга шүүлтийг хангахын төлөө шаргуу ажиллана гэсэн зорилго тавиад байгаа юм. Боксын спортод өөрчлөлт хэрэгтэй гэдгийг улам олон “NF” ойлгож, түүнийг хэрэгжүүлэхийн төлөө хамтран ажиллаж, боксын спортыг олимпын хөтөлбөрт үлдээх зорилгоо биелүүлнэ гэж байна.