Хятадын Харбин хотноо ирэх оны хоёрдугаар сарын 7-14-ний өдрүүдэд Азийн өвлийн спортын IX наадам болох билээ. “Харбин 2025” Азийн наадмын Зохион байгуулах хорооноос нийт спортын техникийн гарын авлагыг танилцууллаа. Энэ удаагийн наадамд зургаан спортын 11 төрлийн 64 цогц медалийн төлөө 34 орны баг тамирчид өрсөлдөх бөгөөд Харбин хотын таван газар мөсний спортын тэмцээн явагдах бол хотоос 190 км-ийн зайд орших Ябули цанын төвд цасны төрлүүд зохиогдоно.