Грек Улсад жюү жицүгийн өсвөр үе,  залуучуудын  ДАШТ боллоо. Энэ удаагийн ДАШТ-ий өсвөр үеийн “No Gi” төрлийн  “U16” ангиллын  хөвгүүдийн 56 кг-ын жинд барилдсан “Гаруда академи”-ийн тамирчин Болд-Эрдэнийн Алтан-Эрдэнэ хэсгийн барилдаанд Польш, Израиль Улсын тамирчдыг ялж, хэсгийн аваргын төлөө Саудын Араб Улсын тамирчинд ялагдаж, хүрэл медалийн төлөөх барилдаанд Монтенегро Улсын тамирчныг ялж, дэлхийн аваргаас хүрэл медаль хүртжээ. Тэрбээр “Human international” дунд сургуулийн аравдугаар ангийн сурагч юм.