Шатрын 2024 оны түргэн “блиц” болон түргэвчилсэн “рапид” тоглолтын УАШТд амжилттай боллоо. Энэ удаагийн УАШТ-ий  түргэн тоглолтын тэмцээнд их мастер С.Билгүүн 1-р байр, түргэвчилсэн тоглолтын тэмцээнд хоёрдугаар байр эзэлж энэ оны эцэст АНУ-ын Нью Йорк хотноо болох ДАШТ-д оролцох эрхээ авлаа.

      Мөн их мастер С.Билгүүн түүний үеэл дүү нар 2024 он гайхалтай сайхан амжилтуудыг гаргаад байгаа билээ. Стандарт тоглолтын УАШТ-д үеэл дүү Г. Амартүвшин  нь аварга болсон. Дүү С. Чингүүн нь дэд аварга болсон юм.

        Рапид тоглолтын УАШТ-д үеэл дүү С. Ган-Эрдэнэ нь аварга болж, С.Билгүүн дэд аварга, үеэл дүү Г. Амартүвшин гуравдугаар байрт шалгарсан. Блиц тоглолтын УАШТ-д С.Билгүүн түрүүлж, дүү С. Чингүүн нь дөрөвдүгээр байр, үеэл дүү Г. Амартүвшин нь тавдугаар байрт шалгарсан юм. Тэд УАШТ-ээс нийт авч болох есөн медалиас гурван алт, хоёр мөнгө, нэг хүрэл медаль буюу  зургаан медалийг нь хамтдаа авсан байна.