• Өнөөдөр 2025-02-06

Их мастер Б.Мөнгөнтуул Шымкентын гран прид хоёр хожилтой явна

2024-11-04,   135

      Казахстан Улсын Шымкент хотноо аравдугаар сарын 30-аас арваннэгдүгээр сарын 9-ний өдрүүдэд шатрын гран при цуврал тэмцээн явагдаж байна. Тус гран при тэмцээнд дэлхийн чансааны шилдэг 100-д эрэмбэтэй арван шатарчин цэц сорьж буй. Их мастер Б.Мөнгөнтуул “ФИДЕ” гранд свисс тэмцээний дөрөвдүгээр байрт шалгарч тус тэмцээнд оролцох эрхээ авсан юм.

    Түүний хувьд, одоогоор Германы их мастер Элизабет Пехтз, Оросын Катерина Лагно нарыг хожоод байна.  Харин Грекийн Ставрула Цолакиду, Энэтхэгийн Хумпай Конеру, Дивья Дешмух нарт ялагдаад байгаа. Б.Мөнгөнтуул хоёр хожилтой долдугаар байрт эрэмблэгдэж байгаа бөгөөд тэмцээн өндөрлөхөд дөрвөн өрөг үлдээд байна.

       Гран при цомын эзнийг зургаан цуврал тэмцээний дүнгээр тодруулна. Ингэхдээ нэг тамирчин гуравт нь өрсөлдөх эрхтэй. Их тастер Б.Мөнгөнтуул тус гран при тэмцээнд хоёронтоо 2009-2010, 2011-2012 онд оролцож, зургаа болон наймдугаар байрт шалгарч байв.

 


 

 


Их мастер Б.Мөнгөнтуул Шымкентын гран прид хоёр хожилтой явна
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.