"СОЁЛЫН БҮТЭЭЛЧ САР" 2024 аянаар “Өвлөн бүтээх өнөө ирээдүй” уриан дор орчин цагийн Монгол Улсын түүхэн хүмүүн болох улсын их дагина Цэндийн Дондогдулам, Монгол Улсын Төрийн шагналт, Урлагийн гавьяат зүтгэлтэн Эрэгзэнгийн Чойдог, Монголын орчин цагийн уран зохиолыг үндэслэгчдийн нэг, их зохиолч Сономбалжирын Буяннэмэх, Монгол Улсын Хөдөлмөрийн баатар, гавьяат тамирчин дархан аварга Жигжидийн Мөнхбат нарын алдартнуудын түүхэн амьдралаас сэдэвлэсэн бүтээл туурвилуудыг олон нийтэд сонирхуулна.

         Үзэсгэлэнд дүрслэх урлагийн ахмад уран бүтээлчдийн ур ухаан шингэсэн 50 гаруй бүтээл дэлгэгдэх юм. Мөн Монголын урчуудын эвлэл “Union of Mongolian Artists” тус үзэсгэлэнг Биеийн тамир, спортын улсын хороо, Богд хааны ордон музей Монгол Улсын үндэсний урлагийн их театр, “Төгөлдөр Буяннэмэх сан”-тай хамтран зохион байгуулж байна.