Аймаг, дүүргийн Олимпын зөвлөлийн удирдах ажилтны уулзалт – семинар өнөөдөр цахимаар боллоо. Уулзалт семинараар энэ онд МҮОХ-ноос Олимпын зөвлөлүүдтэй хамтран хэрэгжүүлсэн хөтөлбөрүүд, Олимпын танхимуудын үйл ажиллагааг эрчимжүүлэх тухай болон “Парис 2024” Олимпын наадмын мэдээлэл зэрэг сэдвээр хэлэлцэж санал бодлоо солилцов. Уулзалтаар МҮОХ-ны тэргүүн дэд ерөнхийлөгч Ч.Наранбаатар Олимпын зөвлөлүүдийн үйл ажиллагааг түлхүү дэмжин ажиллахаа илэрхийллээ.