ОХУ ын Улаан-Үдэ хотод энэ сарын 24-27-ны өдрүүдэд өсвөр үеийн “Алтан далайн хав"  олон улсын  хоккейн тэмцээн боллоо. Тус тэмцээнд  Монгол Улсаа төлөөлж “Мэргэн” хоккейн академийн “Бамбарууш” баг оролцсон байна. Тэд ОХУ-ын Улан-Үд, Эрхүү хотын хоёр баг, Чита, Краснояарскийн “Металлург”, гэсэн хүчирхэг багуудтай өрсөлдөж хүрэл медаль хүртжээ.  Манай хоккейчин хүүхдүүд “Алтан далайн хав” тэмцээнээс 2022 онд “U12” насны ангилалд аврагын цом, алтан медаль, 2023 онд “U13” насны ангилалд хошой аварга,  2023 онд  “U10” насны ангилалд мөн аваргын цом, алтан медаль тус тус хүртсэн амжилттай оролцож байсан юм.