1999 оны энэ өдөр жүдо бөхийн ОУХМ, аймгийн арслан Одхүүгийн Цэцэнцэнгэл мэндэлжээ. Түүний ээж Дамдины Энхтүвшин Монголын анхдагч эмэгтэй жүдочин, олон улсын шүүгчдийн нэг бол аав нь улсын начин цолтой, жүдо бөхийн ОУХМ Б.Одхүү билээ.

О.Цэцэнцэнгэл “Монголын жүдо академи”-аас жүдо бөхийн гараагаа эхэлсэн. Одоо Япон Улсын “Тенри” их сургуульд сурч, бэлтгэл, сургуулилалтаа базааж байгаа. Тэрбээр Олон улсын жүдо бөхийн холбоо  “IJF”-ийн цуврал Парис, Абу Даби хоёр их дуулгад түрүүлсэн. Бакугийн их дуулгын хүрэл медальтай. Азийн аварга шалгаруулах тэмцээний хүрэл, залуучуудын Азийн аварга, Хонконгийн нээлттэй тэмцээний аварга, Оберварт, Варшавын нээлттэй тэмцээнээс хүрэл медаль хүртэж байсан. О.Цэцэнцэнгэлийн өвдөгний бэртэл бүрэн илааршаагүй байгаа нь түүний амжилтыг хойш татаад байгаа билээ.