АНЭУ-ын Абу Даби хотод болж буй жүдо бөхийн “Абу Даби-2024” гранд слам тэмцээний эхний өдрийн барилдаан явагдаж байна. Өнөөдөр манай улсаас эмэгтэйчүүдийн 52 кг-ын жинд ОУХМ Л.Сосорбарам, АНЭУ-ын нэр дээр барилдаж буй ОУХМ Б.Хорлоодой нар барилдсан. Эрэгтэйчүүдийн 66 кг-ын жинд ОУХМ Б.Эрхэмбаяр барилдлаа. Манай гурван тамирчин шөвгийн дөрөвт шалгарч үлдээд байгаа. Л.Сосорбарам шөвгийн дөрөвт Унгарын Roza GYERTYAS-тай, Б.Хорлоодой Косовогийн Erza MUMINOVIQ-той, Б.Эрхэмбаяр, Францын Daikii BOUBA-тай тус тус барилдах гэж байна.