Хорват Улсын Порец хотноо энэ сарын 8-13-ны өдрүүдэд чөлөөт бөхийн ахмад мастеруудын дэлхийн аварга шалгаруулах тэмцээн болж байна. Манай улсаас Н.Баатар, улсын начин А.Алтанхуяг нар өөрсдийн жиндээ алтан медаль хүртэж, мастерсын дэлхийн аварга болжээ. Тус ДАШТ-д  Монголын 33 хүний бүрэлдэхүүнтэй баг оролцож байгаа. Багийн бүрэлдэхүүнд дэлхийн мастеруудын аварга М.Цанлиг, Н.Баатар, дэлхийн залуучуудын аварга Т.Даваахуяг,  Ш.Баянмөнх нарын лидерүүд багтжээ.