Энэ өдөр Монголын гимнастикийн холбооны ерөнхий нарийн бичгийн дарга, аэробик гимнастикийн ОУХМ  Галбадрахын Ерөөлбат мэндэлжээ. Тэрбээр Монгол Улсад гимнастикийн спортыг хөгжүүлэхийн төлөө бүхнээ зориулж яваа хүн.  ОУХМ Г.Ерөөлбат тамирчин байх үедээ 2012 онд Словак Улсын  Нове Замку хотод зохиогдсон аэробик гимнастикийн дэлхийн цомын аварга шалгаруулах тэмцээнээс алтан медаль хүртэж байв. Мөн 2011 оны оюутны универсиад их наадамд VI байр, 2012 оны дэлхийн аваргаас хүрэл медаль, 2013 оны дэлхийн тоглолтын тэмцээнд V байр, 2013 Азийн цомын нээлттэй тэмцээнээс алтан медаль хүртэж байлаа.  Г.Ерөөлбат  2006 онд олон улсын хэмжээний мастер цол хүртсэн. Ингэснээр аэробикийн тамирчдаас анхдагч ОУХМ болсон юм. Харин түүний гэр бүлийн хүн чөлөөт бөхийн ДАШТ-ий хүрэл медальт, МУГТ Ц.Энхжаргал билээ.