АНУ-ын Пенсильван мужийн Манхаям хотод зохион байгуулагдсан "Journeymen world classic" тэмцээн боллоо. Тус тэмцээнд манай өсвөрийн таван эмэгтэй тамирчин, хоёр дасгалжуулагч, багийн ахлагчийн хамтаар амжилттай оролцоод ирлээ.

        Тус тэмцээнд нийт есөн орны 240 гаруй тамирчин өрсөлдсөнөөс 61 кг-ын жинд Сэлэнгэ аймгийн Сүхбаатар сумын харъяат, Сэлэнгэ аймгийн  БТСГ-ын тамирчин М.Баясгалан хүрэл медаль хүртэв.Мөн багийн дүнгээр манай улс гуравдугаар байрт шалгарсан байна.

      Монголын чөлөөт бөхийн холбооны зүгээс энэхүү тэмцээнд жил бүр идэвхтэй оролцох зорилго тавин ажиллаж байгаа юм. Цаашдаа АНУ, Монгол хоёр улсын хоорондын өсвөрийн тамирчдын туршлага солилцох хөтөлбөрүүд дээр хамтран ажиллах санал солилцжээ.