Албани Улсын Тирана хотод олимпын бус жингийн дэлхийн аварга шалгаруулах тэмцээн найман жилийн дараа эргэн ирлээ. “Парис-2024” олимпод оролцсон бөхчүүд энэ удаагийн дэлхийн аварга шалгаруулах тэмцээнд оролцохгүй. Чөлөөт бөх, эмэгтэй бөх, сонгомол бөхийн төрлөөр 12 жинд нийт 300 орчим тамирчин өрсөлдөнө. Чөлөөт бөхийн тэмцээн эрэгтэйчүүдийн 61, 70, 79, 92 кг, эмэгтэйчүүдийн 55, 59, 65, 72 кг, сонгомол бөх 55, 63, 72, 82 кг-ын жингүүдээр явагдана.