Хонгконгод зохион байгуулагдсан чөлөөт бөхийн өсвөрийн олон улсын тэмцээнд Хятад, Америк, ОХУ, Финланд, Сингапур, Япон, Энэтхэг, Канад, Австри, Тайвань, Хонконг, Монгол Улсын баг тамирчид оролцжээ. Манай улсаас эх орноо төлөөлөн Төв аймгийн БТСГ-ын өсвөрийн шигшээ баг, дасгалжуулагч Л.Энхбаяр, С.Баттөр нарын удирдлага дор оролцож 20 медаль хүртсэн байна. Энэхүү амжилтаараа багийн нийлбэр дүнгээр хоёрдугаар байрт шалгарчээ. Мөн шүүгч Г.Энхжин, Цэцэнбилэг нар тэмцээний шүүгчдийн бүрэлдэхүүнд ажиллажээ.