Чөлөөт бөхийн “Шахтерская Слава” эрэгтэйчүүдийн олон улсын уламжлалт тэмцээн есдүгээр сарын 28-29-ний өдрүүдэд ОХУ-ын Кемерово хотын “Кузбасс” спортын ордонд боллоо. Тус тэмцээний 57 кг-ын жинд оролцсон "Төгс дэвжээ"-ний тамирчин ОУХМ Б.Мөнх-Эрдэнэ хүрэл медаль, 92 кг-ын жинд "Алдар” спорт хорооны тамирчин Т.Дэмчигдорж хүрэл медаль тус тус хүртсэн байна. Тамирчид үргэлжлүүлээд өнөөдөр ОХУ-ын Сахагийн Якутск хотод долоо хоногийн хугацаатай хамтарсан бэлтгэлд хамрагдана. Үүний дараа ЗХУ-ын гавьяат дасгалжуулагч Д.П.Коркины нэрэмжит чөлөөт бөхийн олон улсын тэмцээнд оролцохоор төлөвлөжээ.