Азербайжан Улсын нийслэл Баку хотод Олон улсын боксын холбооны мэргэжлийн боксын лигийн ээлжит тулааан есдүгээр сарын 28-ны өдөр болоход манай улсаас гавьяат тамирчин У.Мөнх-Эрдэнэ 71 кг-ын жинд, дэвжээний эзэн орны боксчин Сархан Алиевтай зургаан үе тулалдлаа.  Тэд16 насны зөрүүтэй байв. Хоёр боксчны тулаан зургаан үе өрнөсөн бөгөөд шүүгчдийн санал нэгтэй шийдвэрээр Азербайжаны залуу тамирчин Сархан Алиет ялалт байгууллаа. Өдгөө 26 настай Сархан Алиев нь “Белград-2021” ДАШТ-ий хүрэл медальтай бол У.Мөнх-Эрдэнэ нь “Лондон-2012” олимпын наадмын хүрэл, ДАШТ-ий хошой хүрэл, Азийн аварга шалгаруулах тэмцээний алт, мөнгө, хүрэл, “Доха-2006” Азийн наадмын мөнгөн медальтай юм.