Дэлхийн шатрын 45-р олимпиадын  чансааны хоёрдугаарт эрэмбэтэй Гүржийн шигшээ багт манай эмэгтэй баг хожигдлоо. Эхний гурван ширээнд суусан Төрмөнхийн Мөнхзул, Батхуягийн Мөнгөнтуул, Даваадэмбэрэлийн Номин-Эрдэнэ нар эхийг нь эцээж тугалыг нь тураалгүй төлөвлөгөөний дагуу тэнцээ авсан. Манай багийн хувь заяа дөрөвдүгээр ширээнд тоглосон Эрдэнэбаярын Хүслэнгээс шууд хамаарахаар болсон.

        Монгол Улсын 26 дахь аварга “WFM” Эрдэнэбаярын Хүслэн гараа дунд үeийг ганган наадаж оргил үeдээ +5 бүхэл хожлын шатар үүсгэсэн боловч хэд хэдэн алдаа хийснээр 1.5:2.5-ын  үр дүнгээр Гүржийн эсрэг анхны ялагдлаа амслаа.

        Манай баг дараагийн тоглолтоо зургадугаар ширээнд Германы шигшээ багтай ээлжит тун хариуцлагатай тоглолт хийнэ. Эмэгтэй шигшээ баг зургаан раундын дараа 10 оноотой 181 багаас 7-р байрт эрэмбэлэгдэж байна.