Дэлхийн шатрын т45 дахь удаагийн олимпиад өчигдөр Унгар Улсын Будапешт хотноо хөшгөө нээсэн билээ. Шатрын олимпиадад эрэгтэй 196, эмэгтэй 182 орны шигшээ багууд эх орноо төлөөлөн оролцож байна. Монгол Улсын шигшээ баг дэлхийн багуудаас дунджаар 19.4 настай гэсэн статистик дүнгээр хамгийн залуу бүрэлдэхүүнтэй багаар тодорчээ. Манай эрэгтэй шигшээ баг эхний өрөгт Маврики Улсын багийг 4:0-ийн харьцаагаар буулган авлаа. :

         Өнөөдөр олимпиадын хоёрдугаар өрөг Монголын цагаар 15:00 цагт эхэлнэ. Манай  эмэгтэй шигшээ баг эхний өрөгт Гватемал Улсын багийг 4:0-ийн харьцаагаар буулган авлаа. Монголын эмэгтэй шигшээ баг маань дэлхийн шилдэг 182 багаас чансаагаар 18-д жагсаж байна.