Сүхбаатарын талбайд маргааш буюу лхагва, есдүгээр сарын 11-15-ны өдрүүдэд Монгол улсын Ерөнхийлөгчийн ивээл дор залуучуудын сагсан бөмбөгийн 3х3-ын дэлхийн аварга шалгаруулах тэмцээн эхэлнэ. Залуучуудын дэлхийн аваргад 24 улсын эмэгтэй 20, эрэгтэй 20 баг өрсөлдөнө.

       ДАШТ-д оролцож буй багууд дөрвөн хэсэгт, таван баг орж хэсгээс хоёр  баг шалгарах тул тоглолт бүр маш чухал байх болно. Таван багтай хэсгийн онцлог нь бүх тоглолтууд дууссаны дараа хэсгээс хэн гарах нь тодорхой болдог. Эхний өдөр хоёр хожилтой баг эцсийн дүнгээр хэсгээсээ шалгарч чадахгүй байх тохиолдол бий.

          Германы эмэгтэй шигшээ багт “Парис-2024” олимпын аварга Marie Reichert, Elisa Mevius гэсэн хоёр тоглогч нь иржээ. Олимпын аваргуудын тоглолтыг Монголын шигшээ багийн эсрэг тоглох юм байна. Бас “НБА”-ийн залуу одын эгч Eve Wembanyama Францын шигшээ багийн бүрэлдэхүүнд багтжээ.

        ДАШТ-ий хамгийн гол багууд бол АНУ-ын эмэгтэй, эрэгтэй шигшээ багууд байх болно. Ирээдүйн “НБА”, “ WNBA” тоглогчид АНУ шигшээд багтаж ирдэг. 2018 онд болсон “U18” дэлхийн аваргаар Хэйли Ванлит ирж аваргалж байсан. Африкийн багууд ирж байгаагаас төдийлөн сайн мэдэхгүй Бенин гэж улс ирж байна.

           Манай эмэгтэй баг олимпын аварга Герман, Польш, Израйль, Кени Улсын багуудтай  “С” хэсэгт орсон бол, эрэгтэй баг Хятад, Нидерланд, Япон, Бенин Улсуудын багуудтай “B” хэсэгт орлоо. Өнөөдөр дасгалжуулагчдын баг дэлхийн аваргад оролцох Монгол Улсын шигшээ багийн эмэгтэй дөрөв, эрэгтэй дөрвөн тоглогчоо зарлана.

         Залуучуудын дэлхийн аваргад зориулан олимп, дэлхийн аварга зохион байгууллагддаг олон улсын стандартын “Magic Sky”-ийн гоёмсог асар Сүхбаатарын талбайд байраа эзэлсэн байгаа. Мөн “Magic Sky” асарт зориулагдсан сандлууд шинээр мөн ирсэн байна.