Тэрүнофүжи Г.Ган-Эрдэнэ 10 кг жин хаяжээ. Чихрийн шижин сэдэрснээс жин нь 10 кг хасагдсан хэмээн Тэрүнофүжи Г.Ган-Эрдэнэ мэдэгдсэн байна. Гэхдээ Японы Мэргэжлийн сүмо бөхийн холбооны сайтанд одоогоор аваргын жинг 176 кг хэмээн засагдаагүй хэвээр нь бичсэн байна. Учир нь 32 настай аварга Кокүгикан ордонд өнгөрсөн долоо хоногт хийгдсэн жин хэмжилтэд ороогүйгээ ажээ.

        Чихрийн шижин болон зүүн өвдөгний бэртэл нь сэдэрсэн тул Тэрүнофүжи энэ намрын Аки башёд барилдахгүй бололтой. Харин албан ёсны жин хэмжилтээр озэки Хошёорюү 149 кг болон жингээ мэдэгдэхүйц нэмжээ. Хамгийн хүнд жинтэй бөх нь Цүрүгишо 206 кг, хамгийн хөнгөн нь Мидорифүжи 117 кг, хамгийн өндөр нь Казахстаны бөх Кинбозан 195 см, хамгийн намхан нь Бүшозан 171 см өндөртэй байгаа аж. Дээд зиндааны бөхчүүдийн дундаж жин 16.8 кг,  дундаж өндөр нь 184.8 см гэж хэмжигдсэн байна.