Дэлхийн энх тайван, эв нэгдлийн томоохон бэлгэдэл болсон хөл бөмбөгийн тэмцээн Катар Улсад гал гарсан тоглолтуудаар үргэлжилж байна. Энэ жилийн хувьд хэний ч санаанд оромгүй тоглолтууд гарсан нь хөл бөмбөг дэлхийн өнцөг булан бүрт жигт хөгжиж буйг харууллаа. Тухайлбал, түрүүлэх магадлал, өндөр хүлээлтэй байсан баг тамирчид эхний тойрогтоо ялагдал хүлээж, олон мянган шүтэн бишрэгчдээ гайхширалд хүргээд  байлаа. Хөл бөмбөг нь дэлхийн хамгийн олон үзэгчидтэй тэмцээнээс гадна дэлхийн хүн амыг нэгэн дор зангидаж, уухайн түрлэг эгшиглүүлдгээрээ онцлогтой.  Анх 1930 онд зохион байгуулагдаж, дайны улмаас хоёр ч завсарлаад байсан ч өдгөө хүртэл үргэлж, хүн төрөлхтнийг нэгтгэж чаддаг спортын болоод байна. Дэлхийн аваргын хөл бөмбөгийн тэмцээнд хамгийн шилдэг, өндөр чансаатай тоглогчид нэг дор чуулж, өөрийн авьяас, ур чадвараа гайхуулан өрсөлддөг. Энэ л тэмцээнийг үзэх гэж дэлхийн өнцөг булан бүрээс хүмүүс цугладаг. Хөл бөмбөг нь ямар нэг үндэсний спорт биш, дэлхийн спорт гэдгээрээ гайхалтай.

Энэ жилийн Хөл бөмбөгийн ДАШТ-ний шагналын сан  440 сая ам.доллар бөгөөд өмнөх тэмцээнүүдээс 10 хувиар өссөн байна. Катар улс тэмцээнийг зохион байгуулахад ойролцоогоор 220 тэрбум ам.долларыг зарцуулжээ. Энэ нь Орост болсон ДАШТ-ий төсвөөс 15 дахин их дүн юм. Үүнээс 6.5-10 тэрбум ам.доллароор ДАШТ-ийг зохион байгуулах долоон цэнгэлдэх хүрээлэнг барихад зарцуулсан байна. Энэ жил дэлхийн 32 улсын шилдэг тамирчид Катарт чуулж, дэлхийн нийтийн анхаарлын төв болоод буй.

-ХАГАС ШИГШЭЭ ТОГЛОЛТУУД-

-ФРАНЦ-ПОЛЬШ ХОЁРЫН СОНИРХОЛТОЙ ӨРСӨЛДӨӨН-

               Левандовский торгуулийн цохилтоор 90+6 мин (3:1). Францын дасгалжуулагч Дашим хэсгийн гуравдугаар тойргийн өмнөх тоглолтод үндсэн багаа амрааж, хоёрдугаар шигшээгийн бүрэлдэхүүнийг талбайд гаргасан. Харин тэрбээр хасагдах шатны шийдвэрлэх чухал энэхүү тоглолтод үндсэн багийн тоглогчдоо талбайд гаргаж тоглуулсан юм. Зелинский энэ боломжийг ашиглаж чадаагүй. Дэлхийн аварга цолоо хамгаалахаар Катарт ирсэн Франц, Польшийн тоглогчдоос бүх талаараа илүүрхэж нэгдүгээр үед нэг, хоёрдугаар үед хоёр гоол хаалганд нь хийж үндсэн цаг дуусах 90 минут болоход 3:0-ээр тэргүүлж чадсан. Шүүгчийн мэдлийн сунгасан зургаа дахь минутад Францын төвийн хамгаалагч Упамакено хаалгачийн талбайд алдаа гаргаж, бөмбөгт гар хүрсэн тул Польшийн баг торгуулийн цохилт хийх эрхтэй болсон. Польшийн шилдэг довтлогч Левандовский торгуулийн цохилтыг гүйцэтгэж багийн нэр төрийн нэг гоол оруулснаар тоглолт өндөрлөсөн юм. Ингэснээр тэд хагас шигшээд шалгарч Польш харин үзэгчдийн эгнээд шилжихээр болсон билээ. Мөн энэхүү тоглолтын үеэр Францийн хоёр тамирчин дээд амжилт тогтоосон. Тухайлбал, Польшийн багийн хаалганд 44 минутад эхний гоол оруулсан довтлогч Оливье Жиру Францын шигшээ багийн бүх цаг үеийн мэргэн буучаар тодорч шүтэн бишрэгчдээ баярлуулсан үйл явдал болсон. 36 настай довтлогчийн энэ гоол нь Франц тоглогчдоос шигшээ багийнхаа төлөө хийсэн хамгийн олон 52 дахь бөмбөг байв. Өмнө нь Францын шигшээгийн мэргэн буучийн дээд амжилтыг домогт хөл бөмбөгчин, 1997-2010 онд шигшээд тоглосон Тьерри Анри 51 гоолоор эзэмшиж байсан билээ.

Өмнө нь Францын шигшээгийн мэргэн буучийн дээд амжилтыг домогт хөл бөмбөгчин, 1997-2010 онд шигшээд тоглосон Тьерри Анри 51 гоолоор эзэмшиж байсан билээ

Английн тамирчид тоглолтыг биш дундаж түвшинд эхлүүлсэн. Гэвч энэ нь сулхан бүрэлдэхүүнтэй Сенегалчуудад давуу талыг олгоогүй. Тоглолтын 38 дахь минутад Английн хагас хамгаалагч Хендерсон шинээр тодорч буй 19 настай залуу од Беллингемийн хослон тоглолтоор гоол эхний гоолоо хийсэн. Улмаар нэгдүгээр үеийн төгсгөлөөр завсарлагааны өмнөхөн өөр нэг залуу од Фодины дамжуулалтаар хашир туршлагатай ахмад довтлогч Кейн гоол оруулж тоог 2:0 болгон багаа ялалтад нэг алхам ойртуулсан. Энэ гоол “Тоттенхэм” багийн довтлогчийн “Катар 2022”-т оруулж байгаа анхных нь. Тэрбээр хэсгийн шатанд гурван гоолын дамжуулалт өгсөн.

-ДЭЛХИЙН АВАРГЫН ЦОМ ӨРГӨХ БАГААР АРГЕНТИНЧУУД НЭРЛЭГДЭЖ БАЙНА-

Тоглолтын үеэр Испанийн шүүгч Антонио Матеу Лаоз нийт 18 шар хуудас өргөсөн нь ДАШТ-ий түүхэнд байгаагүй өндөр үзүүлэлт болжээ

Энэ жил хувьд Кристиано Роналдо сүүлчийн дэлхийн аваргаа нулимстай үдлээ. Харин Мароккогийн шигшээ Бельги, Испани, Португалыг хожсоноор хагас шигшээд хүрсэн анхны Африк, Арабын баг боллоо. Нэг үгээр бол Кристиано Роналдо уйлж, Месси дүүлээд байгаа юм. Өмнө нь Аргентинчууд Англи улстай аваргын төлөө ширүүхэн тоглолт хийж ялалт байгуулж байсан удаатай.

-ТЭНЦЭЭНИЙ ЭРГЭН ТОЙРОНД БОЛСОН СОНИРХОЛТОЙ ЗҮЙЛС-

Олон улсын хөл бөмбөгийн холбоо Германы шигшээ багийг эсэргүүцлийн үйлдэл хийсний төлөө шийтгэхгүй гэж мэдэгдсэн. Тухайлбал, Японы багтай хийсэн тоглолтынхоо өмнө Германы хөл бөмбөгчид багийн гэрэл зураг татуулахдаа амаа гараараа хаасан билээ. Ингэснээр тэд Катар-2022 ДАШТ-нд багийн ахлагчдад солонгон тууз гартаа зүүхийг хориглосон шийдвэрийг эсэргүүцсэн юм.

Германы шигшээ багийг эсэргүүцлийн үйлдэл хийсний төлөө шийтгэхгүй гэж мэдэгдсэн

-“Twitter” компанийн гүйцэтгэх захирал Илон Маск хөл бөмбөгийн дэлхийн аварга шалгаруулах тэмцээний үеэр нийгмийн сүлжээнд асар их ачаалал үүсэж байгаа тухай мэдэгджээ. ДАШТ-ий трафик нэг секундэд нийтлэх жиргээний тоо 20 мянгад хүрчээ.

-Испанийн шигшээ баг бөмбөг эзэмшсэн хугацаагаар дэлхийн дээд амжилт тогтоолоо. Коста Рикагийн багтай тоглохдоо испаничууд тоглолтын нийт цагийн 81.7 хувьд бөмбөг эзэмшжээ. Ингэснээр тэд Аргентины багийн 2010 онд тогтоосон амжилтыг эвдсэн байна. Тухайн үед Грекийн багтай тоглохдоо аргентинчууд тоглолтын цагийн 80.3 хувьд бөмбөг эзэмшсэн амжилтаар рекорд тогтоож байв. Харин үүнээс өмнө Испани дээд амжилт тогтоож байжээ. 2018 онд Оросын эсрэг тоглохдоо испаничууд тоглолтын цагийн 78.9 хувьд бөмбөг эзэмшсэн амжилттай.

Дэлхийн аваргын тэмцээнийг шууд нэвтрүүлэн тайлбарласан германы телевизийн хөтлөгч германы шигшээ баг тэмцээнээс хасагдсан шалтгааныг өөрийнхөөрөө дүгнэлт хийн тайлбарлажээ.Тэрбээр  “Мароккогийн багийн тамирчид ялж байгаа шалтгаан нь баг тамирчид эцэг эхтэйгээ хамт явж, гэр бүлийнхээ зүгээс асар их дэмжлэгтэй байгаа учраас амжилт үзүүллээ. Харин барууны орнуудад гэр бүл, эцэг эхийн нарийн нягт харилцан холбоо харагдахаа больжээ. Гэр бүл гэсэн ойлголт устжээ. Манай хөл бөмбөгчид, загвар өмсөгчид, найз охидоо үнсэж байх зуур эцэг эх нь асрамжийн газар л байж байдаг болжээ. Марокко улсын хөл бөмбөгчид эцэг эхийнхээ сэтгэл санааны дэмжлэг дор ялж байхад манай Германы хөл бөмбөгчид ижил хүйстэнтэйгээ явалдах үзэл санааг дэмжээд амаа гараараа таглаад зогсож байсан. Германчууд бид мароккочуудыг хөл бөмбөг тоглож сургасан тул тэд биднээс илүү сайн тоглосонтой нэгэн адил бид ч гэсэн тэднээс гэр бүлийн үнэт зүйл, ёс суртахууны талаар суралцах ёстой. Хэзээ нэгэн цагт манай хөл бөмбөгчид ээж, аавынхаа духан дээр үнсэхийг харна гэж итгэж байна” гэжээ.