Биеийн тамир, спортын улсын хороооны хүндэтгэлийн танхимд өнөөдөр бүжгийн спортын дэлхийн аварга шалгаруулах тэмцээнээс мөнгөн медаль хүртсэн “Moon dance” хамтлагийн баг тамирчдад батламж гардуулж, шагнал гардуулах ёслол болов.

    "Биеийн тамир, спортын тэргүүний ажилтан" цол тэмдгээр О.Оюунбатыг,  “Жуух бичиг”, тэмдгээр Н.Мөнхбаярыг шагнав. Шагналыг  Биеийн тамир, спортын улсын хорооны дарга Д.Жаргалсайхан гардууллаа. Энэ үеэр “Moon dance” хамтлагийн дасгалжуулагч О.Саранхүү “ДАШТ-ий мөнгөн медаль бол бидний олон жилийн зорилго, мөрөөдөл байсан. Монголын залуус ямар их авьяастай, монголын соёл, урлаг болон ондоошлыг бүжгийнхээ дэглэлтээр дэлхий нийтэд харуулахыг хичээсэн. Энэ өндөр амжилтад хүрэхэд бүжигчдийн маань гэр бүл, төр засгийн дэмжлэг туслалцаа их байлаа” гэдгийг  онцлон хэлэв.