• Өнөөдөр 2026-07-03

“GOOD BOY” ЦУВРАЛЫН ГОЛ ДҮРИЙН ЖҮЖИГЧИН PARK BO GUM-ЫН ТУХАЙ СОНИРХОЛТОЙ БАРИМТУУД

2025-06-22,   2344

Энэ оны тавдугаар сарын 31-ээс цацагдаж эхэлсэн “Good Boy” цуврал олон улсад ихээхэн хандалтыг аваад байгаа билээ. Тэгвэл энэ цувралын эрэгтэй гол дүрд гэнэн цайлган дүр төрх, сэтгэл татам инээмсэглэлээрээ танил Пак Бугом тоглосон юм. Түүний талаар сонирхолтой баримтуудыг хүргэж байна.
Тэрбээр 1993 оны зургадугаар сарын 16-нд гурван хүүхэдтэй айлын отгон хүү болон мэндэлжээ. Түүний нэр нь “Үнэт Илд” гэсэн утгатай юм. Цэцэрлэгт байхаасаа төгөлдөр хуур сурсан бөгөөд дунд сургуульдаа маш чадварлаг усанд сэлэлтийн тамирчин байжээ.
2012 онд Shinmok ахлах сургуулийг төгссөн, Myongji их сургуулийг хөгжимт театрын жүжигчнээр 2018 онд дүүргэж, Sangmyung их сургуульд магистрын зэрэг хамгаалжээ. Анх 2011 онд “Blind” кинонд туслах дүр бүтээн урлагийн гараагаа эхэлсэн бөгөөд 2015 онд “Reply 1988” цувралд гол дүр бүтээснээр түүний карьерын оргил үе эхэлсэн гэж хэлж болох юм. Түүний тоглосон “When life gives you a tangerines” цуврал олон улсын үзэгчдээс маш өндөр үнэлгээг авсан билээ.
Тэрбээр 23 насандаа “Жилийн шилдэг телевизийн жүжигчин” шагналыг  авсан нь хамгийн залуудаа энэхүү шагналыг хүртсэн хүн болсон юм. 2017 онд “Forbes” сэтгүүлгээс гаргасан “БНСУ-ын хамгийн нөлөө бүхий алдартан” жагсаалтыг тэргүүлсэн анхны жүжигчин юм. Солонгос Улсын урлагийн дээд шагнал “Baeksang Arts Awards”-ыг хоёр удаа хүртсэн билээ. 
Тэрбээр дуучин, дуу зохиогч болохыг хүсдэг байсан мөрөөдлөө орхилгүй жүжигчний карьерынхаа хажуугаар төгөлдөр хуур тоглож, дуулахаа үргэлжлүүлсэн бөгөөд 2020 онд Япон дуунуудаас бүртсэн “Blue Bird” цомгийг гаргаж, 2023 онд “Let me fly” мюзиклээр албан ёсны дебютээ хийсэн юм.

2013 оноос хойш асрамжийн газруудыг оролцуулаад хувийн сайн дурын ажлуудыг хийсээр 2022 онд Ерөнхий сайдын нэрэмжит өргөмжлөлийг хүртжээ. 2014-2018 оны хооронд их сургуульд сурч байх хугацаандаа нэг ч удаа улирлын чөлөө авч үзээгүй бөгөөд төгсөхдөө нэг хүний жүжиг найруулан тавьж хөгжмийн найруулагчаар нь хүртэл ажиллажээ. 2020 оны наймдугаар сараас 2022 оны хоёрдугаар сар хүртэл цэргийн албыг тэнгисийн цэрэгт хааж дуусгасан юм.

                                                                                                                                                                                                                                             Х.Тэмүүлэн


“GOOD BOY” ЦУВРАЛЫН ГОЛ ДҮРИЙН ЖҮЖИГЧИН PARK BO GUM-ЫН ТУХАЙ СОНИРХОЛТОЙ БАРИМТУУД
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2026 © Зохиогчийн эрх хуулиар хамгаалагдсан. Мэдээлэл хуулбарлах хориотой.