"HOLLYWOOD" ХААНААС ҮҮССЭН БЭ

2025-06-20, 82

Америкийн Кахуэнга хөдий(Cahuenga Valley) гэх талбайгаас кино урлаг, зугаа цэнгэлийн төв, бэлгэ тэмдэг болтлоо хөгжсөн газар бол бидний мэдэх Холливуд билээ. Тэгвэл анх хэзээ үүсэж, хэрхэн хөгжсөн талаар сонирхоцгооё.

Америкийн хөрөнгөтөн Харви Уилкокс 1886 онд Кахуэнга хөндийд 160 акр буюу 64.7 га газар худалдан авч, жимс тэр дундаа дарсны усан үзэм тариалсан ч амжилтгүй болж, 1887 оны хоёрдугаар сарын 1-нд “Hollywood” нэртэй талбайг газрын зурагт бүртгүүлсэн юм. Эхнэр Дэйда анх тус нэрийг нь санаачилсан бөгөөд галт тэргээр зорчих үедээ санаандгүй сонссон “ Hollywood” гэх үгийг эдлэн газарт нь төгс тохирсон нэр гэж үзээд ийнхүү нэрлэсэн байдаг.

Нэгэнт усан үзэм тариалалт амжилтгүй болсон учир жижиг хот, тосгоны бүтээн байгуулалт хийж эхэлсэн юм. 1902 онд цахилгаан трамвэй буюу streetcar зурвас нээгдэж Холливудыг Лос Анжелас хоттой холбосноор аж ахуйн хөгжилд том түлхэц болжээ.

1910–1913 онд Д.В.Грифит (D.W. Griffith), ДеМилль (Cecil B. DeMille) зэрэг кино найруулагчид Hollywood-д кино студи байгуулсан нь кино урлагийн хөгжлийн хамгийн эхний томоохон алхам болсон юм.

1920-аад оны үед радио, кино, хөгжмийн компаний оффис, театр, кино прокатын газрууд (жишээ нь Grauman’s Chinese Theatre) үйл ажиллагаа идэвхтэй явуулж эхэлжээ.

Анх “In Old California”(1910) гэх бүрэн хэмжээний уран сайхны киногоор гараагаа эхлүүлж, “Big Five” буюу MGM, Paramount, Warner Bros, RKO, Fox гэх продакшнууд студи, үйлдвэрлэл, түгээлт, кино театрын сүлжээгээ дангаараа удирддаг байлаа.

1948 оны Paramount студийн хэргээс болж продакшнууд театрын сүлжээгээ зарах нөхцөлд хүргэснээр кино үйлдвэрлэгчдэд бие даан кино хийх боломжийг бий болгосон юм. Зөвхөн кино театраас гадна телевизийн салбарт хүчтэй өрсөлдөөн гарч ирсэн бөгөөд энэ үеэр Холливуд CinemaScope, Cinerama гэх өргөн дэлгэцийн технологи мөн “Ben-Hur”(1959), “The Ten Commandments”(1956) зэрэг тансаг үзвэрийн киног гаргаж байжээ.

Martin Scorsese, Francis Ford Coppola, Steven Spielberg, Stanley Kubrick зэрэг найруулагчид гарч ирж, A Space Odyssey, The Godfather, Taxi Driver зэрэг бүтээлүүдийг гаргаж өнөөдрийн сонгодог холливудын өнгө төрх бүрдэх эхлэл тавигджээ.

Х.Тэмүүлэн

"HOLLYWOOD" ХААНААС ҮҮССЭН БЭ

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.