Хацар хайрсан хүйтэн өдрүүд ард хоцорч, хүлээлт дүүрэн хавар айлчлан ирлээ.  Урин дулаан хавар үзэхэд тохиромжтой 10 киног санал болгож байна.

Lovely runner (2024)

“Lovely Runner” нь алдартай од ба энгийн нэгэн шүтэн бишрэгчийн харилцааг энгийн хайрын түүхээс гүн гүнзгий утга санаатай болгож харуулдаг. Цаг хугацааны аялал нь зөвхөн өнгөрснийг өөрчлөх тухай бус, харин хүн бүр өөрийн амьдралд хэрхэн нөлөөлж болох тухай, хувь тавиланг хүлээн зөвшөөрөх үү, эсвэл түүнийг өөрчлөхийн төлөө тэмцэх үү гэсэн сонголтыг үзэгчдэд тавьдгаараа онцлогтой.

Queen of Tears(2024)

Энэхүү кино нь Өмнөд Солонгосын романтик цувралын нэг. Киноны гол агуулга нь хоёр хүний харилцааны хямрал, түүний дараа гарсан сорилтууд, сэтгэл зүйн шилжилт, шинэчлэлийн тухай өгүүлдэг. Хэрэв үзэгч танд ч бас харилцаа, сэтгэл зүйн асуудал тулгарч буй бол Queen of Tears-ийг үзэхэд, танд гарцаагүй нэг санааг хэлэх болов уу.

Love Alarm (2019)

Хэрэв технологиор дамжуулж хүний сэтгэл хөдлөлийг мэдэрч болдог байсан бол яах вэ.  Энэхүү драмад ахлах ангийн сурагчдын анхны хайр дурлалын түүх хэрхэн өгүүлдгээрээ бусад драмаас онцлог.  

Twenty-Five Twenty-One (2022)

Уг кино гарсан цагаасаа хойш үзэгчдийн үзэх дуртай драмын нэг байсаар ирсэн. 1990-ээд оны өнгө төрх, залуучуудын амьдрал, хайр дурлал, нөхөрлөлийн тухай гардгаараа бусад киноноос онцлогтой. Энэ киноноос та залуу насны хүсэл мөрөөдлийг мэдрэх боломжтой.

A Business Proposal (2022)

 Баян айлын хүү Кан Тэ Мү гэрийнхнийхээ шахалтаар сохор болзоонд явснаар бүх зүйл эхэлнэ. Та анхны харцаар дурладаг гэдэгт итгэдэг үү. Энэхүү киноноос та онцгой нэгэн хайрын түүхийг харах боломжтой.

Hometown Cha-Cha-Cha (2021)

Хотын амьдралаас залхсан эмч бүсгүй далайн эргийг зорино. Далайн эрэг дээр нэгэн залуутай учирснаар түүний амьдрал хэрхэн өөрчлөгдөх бол. Та хайр дурлал, амар амгаланг энэхүү киноноос мэдрэх болно.

Before Sunrise (1995)

Бидний амьдралд байдаг ч тэр бүр анзаараад байдаггүй зүйлсийг  энэ кино өгүүлнэ. Энгийн хайр дурлал болон нөхөрлөлийн үнэ цэнийг ч мэдрүүлэх болов уу. Тархиа амраагаад  тухлан сууж үзээрэй

Me Before You (2016)

Романтик, уянгын драмын төрлийн энэхүү кинонд амьдралын утга учир, хайр дурлал, хувь тавилангийн тухай өгүүлнэ. Лу Кларк бол энгийн нэгэн бүсгүй. Уилл осолд орсны улмаас саажилттай болж  Лу Кларк түүний асрагчаар ажилд орсноор үйл явдал эхэлнэ. Уилл эхэндээ хүйтэн хөндий байсан ч аажмаар Лугийн гэгээлэг зан чанарт татагдаж, тэдний амьдрал өөрчлөгдөж эхэлнэ.

La La Land (2016)

Жүжигчин болохыг мөрөөддөг Миа болон хөгжимчин Себастиан нар нэг нэгэндээ дурладаг ч амжилтад хүрэхийн тулд өөрсдийн замаа олох хэрэгтэй болно. Хайр дурлал уу, хүсэл мөрөөдлөө дагах уу гэсэн сонголтыг үзэгчдэд тавьдгаараа онцлогтой.

About Time” (2013)

Тим гэх залуу гэр бүлийнхээ эрчүүдийг цаг хугацаагаар аялж чаддаг гэдгийг олж мэдэж, чадвараа ашиглан хайрынхаа төлөө тэмцдэг. Амьдрал,цаг хугацаа түүнийг өөрчлөх болов уу. Хэрэв үзэгч танд ч өөрчлөлт хийх цаг болсон бол үзэхэд, танд гарцаагүй нэг санааг хэлэх болов уу.