Ардчилсан тогтолцооны төлөө улс төрийн намууд  буйгаа илэрхийлж. Санамж бичигт” гарын үсэг зурах үйл ажиллагаа өнөөдөр боллоо.

Энэ үеэр Ардчилсан намын дарга М.Тулгат “Ерөнхийлөгчийн сонгуулийн кампанит ажил дуусах шатандаа орж байна. Сүүлийн үед нэг намын дарангуйлал тогтож байна. МАН болон түүнийг тойрсон улс төрийн хүрээлэл бий болж, дарангуйлал руу орчих вий гэсэн болгоомжлол төрөх боллоо. Тиймээс өнөөдөр улс төрийн зарим хүчин, ялангуяа хүний эрх эрх чөлөөг үндэс болгосон ардчиллын төлөөх намууд хамтран ажиллахаар болсон. Мөн ардчилсан намаас нэр дэвшигч С.Эрдэнийг дэмжиж, цаашлаад 2024 оны УИХ-ын сонгуульд хамтран ажиллах Санамж бичигт гарын үсэг зурахаар болоод байна. Үүнд Монголын ардчилсан хөдөлгөөний нам, Хамаг монгол хөдөлмөрийн нам, Монголын эмэгтэйчүүдийн нам, Дэлхийн монголчуудын нам зэрэг улс төрийн хүчин нэгдэхээр хүрэлцэн ирлээ. Манайд Улсын дээд шүүхэд бүртгэлтэй 34 нам бий. Үүнээс ардчиллын төлөө үзэл баримтлалтай намууд хамтрахаа илэрхийлээд байгаа юм. Цаашид намууд нэгдэх боломжтой” гэсэн юм.

Монголын ардчилсан хөдөлгөөний намын дарга М.Ганзориг “Монгол Улс 300 жил ардчиллын замаар замнаж ирлээ. Гэтэл өнгөрсөн 30 жилийн хугацаанд МАН зөвхөн өөрсдийн эрх ашигт нийцсэн шийдвэр, захирамж гаргаж байгаа нь ил тод байна. Бид өнөөдөр нэгдэж байгаа н удахгүй болох Ерөнхийлөгчийн сонгуульд М.Тулгат даргатай С.Эрдэнийг дэмжих, хоёрдугаарт, ардчиллын үнэт зүйлээсээ ухарч байгаа. Бид өнөөдөр энэ үйлдлийг хүлээн зөвшөөрч болох ч, ирээдүй хойч үе маань хүлээн зөвшөөрөхгүй гэж боддог. Тиймээс бид нэгдэж байна” хэмээв.