Монгол Улсын Ерөнхийлөгчийн 2021 оны сонгуулиар гадаад улсад байгаа сонгогчдын санал авах ажиллагаа энэ сарын 30-нд эхэлж, Улаанбаатарын цагаар 2021 оны зургадугаар сарын 1-ний өдрийн 13:00 цагт дууссан. Энэ талаар Гадаад харилцааны яамнаас мэдээлэл хийлээ. Гадаад улсад ажиллаж, амьдарч буй 7394 хүн сонгуульд санал өгөхөөр бүртгүүлснээс 76 хувь буюу 5618 нь саналаа өгчээ.

Эргэн сануулахад, 2017 оны сонгуулиар 7209 иргэн бүртгүүлсэн байсан бөгөөд үүнээс 4767 иргэн саналаа өгч, 66.3 хувьтай оролцож байсан билээ.