УИХ-ын ээлжит чуулган эхэллээ. Өнөөдрийн хуралдаанаар Монгол Улсын Үндсэн хуулийн цэцийн 2021 оны 05 дугаар дүгнэлт, Нийгмийн даатгалын тухай хуульд өөрчлөлт оруулах тухай хуулийн төсөл /эцсийн хэлэлцүүлэг/, Нийгмийн даатгалын тухай хуулиудыг хэрэглэх журмын тухай хуульд өөрчлөлт оруулах тухай хуулийн төслийн анхны хэлэлцүүлгийг хийж байна. Хэлэлцэж буй асуудалтай холбоотой асуулт асууж, хариулт авлаа.

 

УИХ-ын гишүүн Н.Алтанхуяг: УИХ дахь Ардчилсан намын гишүүд долоон хоног өлсгөлөн зарласан. Бид төрийн байгуллагын шударга тогтолцоо нэг намын дарангуйллын эсрэг жагссан. Үүнийг Г.Занданшатар дарга хүлээж аваад ажлын хэсэг байгуулахаар болсон. Одоо хүмүүс энэ өлсгөлөн яасан гэж асууж байна. Тэр ажлын хэсэг алга боллоо. УИХ-ын гишүүн Ц.Мөнх-Оргил, Сү.Батболд нартайгаа тэмцэхгүй бол энэ ажил урагшлахгүй. Тэр хүнээр  нь ажлын хэсэг ахлуулсан учраас ажил явахгүй байна. УИХ дээр хэлэлцэх асуудалгүй болж, гишүүд нь ажлаа хийхээ болилоо. 

 

УИХ-ын гишүүн Д.Ганбат: Энэ хуулийн төсөлд олигтой өөрчлөлт алга. Ажил хийж байгаа хүмүүстээ дарамт шахалт үзүүлж байна.  Нийгмийн даатгалд асар их мөнгө төлдөг. Ашиг шимийг нь хүртдэггүй. Баахан халамж авагч, баахан ажилгүйчүүд. Манжийн үеийн бодлогоор явж байна. Өнөөдөр Халамжийн яам гэж байгуулах болчихож. Хөдөлмөр эрхлэж байгаа нэгнээ дэмждэг бодлого алга.