УИХ-ын нэр бүхий гишүүд нийслэлийн Засаг дарга бөгөөд Улаанбаатар хотын Засаг даргад шаардлага хүргүүлж байгаа талаараа өнөөдөр мэдээлэл хийлээ.

Тодруулбал, Туул голын эрэгт газар олгосон 19 газрын захирамжийг цуцлахаар албан бичиг хүргүүлж байгаа аж. Шаардлагадаа "Монгол Улсын Үндсэн хуулийн 16 дугаар зүйлд зааснаар Монгол Улсын иргэн нь эрүүл, аюулгүй орчинд амьдрах, орчны бохирдол, байгалийн тэнцэл алдагдахаас хамгаалуулах эрхтэй. Улаанбаатар хотын ундны усны ундарга болсон Туул голын эрэг дагуу бургас огтолж, барилга барихыг ард түмний төлөөлөл болж сонгогдсон УИХ-ын гишүүд бид хэрхэвч зөвшөөрөхгүй" гэжээ.