М.Тулгат даргатай Ардчилсан намынхан СЕХ-нд Ерөнхийлөгчийн ээлжит сонгуулийг хойшлуулах санал хүргүүлээ.

Тэрбээр энэ талаар "2020 оны УИХ-ын болон орон нутгийн сонгуульд хөндлөнгөөс нөлөөлсөн байж болзошгүй баримтууд дэлгэгдсэн. Тодруулбал, өчигдөр бидний мэдээлж байсанчлан программд халдаж захиалгатайгаар УИХ-ын гишүүдийг ялуулах үйлдэл явсан. Үүнийг зургаан сар шалгаж хохирогчгүй хэрэг байна гэж хаасан байдаг.

Хэрэв ард түмний сонголтод, сонгуулийн үр дүнд нөлөөлж байгаа бол Ерөнхийлөгчийн сонгууль явуулах утгагүй. Иймээс АН-ын мэргэжлийн байгууллага, 2020 оны УИХ, орон нутгийн сонгуульд нэр дэвшиж хохирол амссан улс төрийн намууд болон бие даагчдын төлөөллөөс бүрдсэн онц зөвлөл байгуулахыг шаардаж байна. Мөн энэ асуудлыг тодорхой болгох хүртэл Ерөнхийлөгчийн сонгуулийг хойшлуулах шаардлагыг тавьж байна" гэлээ.