УИХ-ын гишүүн Ц.Анандбазар эмэгтэйчүүдийг ажлын байран дээр нь бэлгийн дарамтад оруулсан гэх мэдээлэл түгээд буй. Энэ талаар анх иргэн Б.Сүндэръяа цахим орчин мэдээлж, цагдаагийн байгууллагд хандсан байдаг. Тэгвэл УИХ-ын гишүүн Ц.Анандбазартай холбоотой асуудлыг цагдаагийн байгууллагаас шалгаж, хохирогч эмэгтэйчүүдээс гэрчийн мэдүүлэг авч эхэлжээ.

Энэ талаар ЦЕГ-ын Хэвлэл мэдээллийн төвийн дарга Б.Баатархүүгээс тодруулахад "Цахиур.мн сайтад дээр гарсан мэдээллийг шалгаж байгаа. Хуулийн шинэ заалтаар тухайн хүнд холбогдуулж, шууд шалгадаггүй. Харин гарсан мэдээлэл нь гэмт хэргийн шинжтэй юү гэдгийг шалгадаг болсон. Шалгалтын явцад тухайн хүн гэмт хэрэг үйлдсэн гэдэг нь тогтоовол Эрүүгийн хэрэг үүсгэж, тухайн хүнийг шалгах юм. Одоо бол Ц.Анандбазар гишүүнийг шалгаагүй. Хохирогч гэх эмэгтэйчүүдээс гэрчийн мэдүүлэг авч байгаа" гэв.