МАН-ын дарга У.Хүрэлсүх өчигдөр ТВ-9 телевизид цаг үеийн асуудлаар ярилцлага өгсөн. Энэ үеэрээ УИХ-ын гишүүн Ц.Анандбазартай холбооотой асуудлаар намын даргын хувьд байр сууриа илэрхийлсэн юм. Тэрбээр энэ талаар "Би Ц.Анандбазарыг холбогдох газарт нь хэлж байгаа. Гишүүнээс нь түдгэлзүүлээд шалгуулах ёстой. Гэхдээ гишүүнээс түдгэлзэх эсэх нь тухайн  гишүүний өөрийнх нь асуудал. Ц.Анандбазар өөрөө өргөдөлөө өгч байж түдгэлзэнэ.

Эсвэл хууль хяналтын байгууллага энэ хүнийг түдгэлзүүлж шалгана гэх хоёр зам байгаа. Нөхөр Ц.Анандбазарыг хүмүүсийн гаргасан гомдлын дагуу цагдаагийн байгууллага шалгаж байгаа. Хэрвээ энэ хүн үнэхээр тэр нь тогтоогдвол хариуцлага үүрэх ёстой. Буруугүй бол буцаад л ороод ирэх ёстой. Тийм учраас энэ хүн түдгэлзэж байгаад шалгуулах ёстой гэж намын даргын  хувьд өөрийнхөө зарчмын байр суурийг илэрхийлсэн. Үгүй юм бол намаас нь түдгэлзүүлэх асуудлыг ярьж байгаа. Тэгээд шалгуул, үнэхээр гэм буруугүй гэвэл намдаа эргүүлж авна” гэсэн юм. Тэгвэл өнөөдөр МАН-ын Хяналтын ерөнхий хороо хуралдаж, Ц.Анандбазар тэргүүтэй хүмүүсийг намаасаа хөөх асуудлыг хэлэлцэхээр болжээ.